सबसूँ पहली निवण करूँ,तीर्थराज चितौड़ !
चारूँ धाम ज्यूँ पवित्र,धिन धिन है आ ठौड़ !!
संत-सति अर सूरमा,जल्मया लाख-करोड़ !
सबही दुर्ग में बाँको है,जय जय गढ़ चितौड़ !!
हिन्दुस्तान रौ गौरव है ओ,चित्रकूट चितौड़ !
तिलक करूँ इण माटी सूँ,चंदन री आ ठौड़ !!
सौलह हज़ार पद्मणीयाँ,सत् री चुन्दड़ औढ़ !
जौहर करनें गयी स्वर्ग में,है वो हिज चितौड़!!
गौरा-बादल रे बलिदान रौ,नीं है कोई तौड़ !
बप्पारावल री कर्मभोम,बाँको है ओ चितौड़!!
कुम्भा राखी कीर्त इणरी,नव-खंड नें जौड़ !
साँगा वाली सूरवीरता,भूले नीं ओ चितौड़ !!
साँवरिया नें मौयो मीराँ,सागे इण हिज ठौड़!
दुजो जौहर करुणावति रो,रंग थनें चितौड़ !!
जैम्मल-पता गरजीया,राणा उदे री ठौड़ !
कल्लाजी रौ न्यारो जस,गावे ओ चितौड़ !!
आज़ादी री अलख जगायी,छौड़नें आ ठौड़ !
प्रताप रौ जस गौरव है,जूग़ जूग़ सूँ चितौड़ !
ख़िलजी नें अकबरिया रे,राख नी आयी हाथ!
मिनख मराया आपरा,नम्यो न मेवाड़ी नाथ !!
हिंदुस्थान रौ मान है ओ,गढ़ में गढ़ चितौड़ !
गौरवशाली इतिहास है,क्षत्रियों रो सिरमौड़ !!
पग पग माथे वीर हुया,सतियाँ हुयी अनेक !
इण माथे तो आज तक,फ़िल्म बणी न ऐक !!
लीला थूँ ग़ज़ब जायो,संजय जैड़ो ओ पूत !
फ़िल्म बनायी पद्मणी पर,सौ टका ही झूट !!
साँच बतादे तूँ लीलकी,कूण है इणरो बाप !
सौगन थनें उण बिंद री,नाँव न ज़ाणे तूँ आप!!
बोली लीला सूँण 'शक्ति' कहूँ बात मैं आज !
पातरियाँ रे बिंद नी होवे,रेवण दे तूँ ओ राज!!
याद राखजे संज्या थूँ ,केवूँ थनें मैं आज !
नाँव थारे पर थूकसी,आ जा तूँ अब बाज़ !!
इण फ़िल्म सूँ जो आवसी,खोटो है वो धन !
सति पद्मण रौ श्राप है,कीड़ा पड़सी तन !!
कीड़ा पड़सी तन में,मिलसी नरक में ठौड़ !
थारी पिढ़याँ भुगतसी,होसी सबरे कौड़ !!
आ वीरां रो गौरव गायो,शक्तिसिंह राठौड़ !
शेयर आप सबनें करो,अरज़ करूँ कर जौड़!!
✍
डॉ.शक्तिसिंह चाँदावत
लेखक,इतिहासकार,कवि व पर्यटक गाइड
जोधपुर(राज़.)
